Televizioni Opinion tani edhe në Amerikë dhe Kanada përmes kompanisë ShqipTv

 Edhe një risi në suksesin e vazhdueshëm të depërtimit medial të TVO-së në hapësirat transmetive interkontinentale. Me kontratën e lidhur mes televizionit Opinion dhe kompanisw “ Shqiptv “ nga Çikago e SHBA-ve , tani e tutje edhe një mundësi për bashkatdhetarët tanë në Amerikë dhe Kanada, të cilat mund ta përcjellin Televizionin Opinion përmes Kompanisë prestigjioze Shqip TV me seli në Çikago, e cila ofron edhe shërbime të tjera kabllore. Shfrytëzojmë rastin që të përshëndesim nga vendlindja të gjithë bashkatdhetarët tanë që na përcjellin nga ky kontinent.
Përmes “SHQIP TV”, së shpejti transmetimet tona do të emitohen edhe në Evropën perëndimore.
Informo të afërmit tuaj!
Vizitoni uebfaqen www.shqiptv.com.

Rrjeti tokësor

Me një pajisje tejet të përsosur që ka fuqi transmisive prej 1000 WAT, dhe si fjalë e fundit e teknikës bashkëkohore digjitale (Digital Video Broadcast), Televizioni OPINION i emeton programet e veta  televizive në eter nga shtylla transmetuese televizive, që është e vendosur në Zym të Hasit, konkretisht në kodrën e quajtur “BAJRAK”, ku më parë ka qenë ish- transmetuesi i RTP-së.

Po ashtu, është tejet e rëndësishme të ceket se parcela ku është vendosur sot shtylla transmetuese e Televizionit tonë, njëkohësisht është edhe pronë private e vetë themeluesit të Televizionit OPINION.

Lartësia adekuate dhe pozita tejet e përshtatshme strategjike e pozitës transmisive nga trualli i lartcekur, në njërën anë, dhe transmetuesi i përsosur si fjalë e fundit e teknikës radio-difuzive, nga ana tjetër, mundësojnë që tek shfrytëzuesi i fundit në aparatin televiziv, kapshmëria e sinjalit të Televizionit OPINION të jetë tejet e përsosur dhe kualitative.

Karakteristikat e cekura teknike dhe vetë pozicioni strategjik i transmetuesit aktual nuk ndikojnë vetëm në kapshmërinë tejet cilësore të sinjalit emetues, por hapësira ajrore e depërtimit të këtij sinjali përfshin tërë hapësirën ajrore të Rrafshit të Dukagjinit dhe më gjerë, konkretisht: Regjionin e Komunës së Prizrenit, Gjakovës, Pejës, Istogut (Burimit), Rahovecit, Malishevës, Therandës, e deri tek disa vendbanime të pozicionuara në lartësi më të madhe te lagjes “Bregu i Diellit” në Prishtinë.

Sipas sondazheve tona interno, kapshmëria e sinjalit  televiziv të Televizionit OPINION praktikisht realizohet në 63% të territorit të Kosovës, në disa pjesë të Maqedonisë dhe në viset veriore të Tropojës në Shqipëri. Andaj, jo rastësisht, motoja jonë, me të cilën udhëhiqemi është “Një milion shikues”, e që edhe realisht pasqyron potencialin e mundshëm të shikueshmërisë së Televizionit tonë, në përpjesëtim me hapësirën territoriale dhe numrin e banorëve të Kosovës.

Interneti

Duke synuar që përherë të jemi në hap me kohën, orientimet tona strategjike zhvillimore, në rend të parë kanë qenë të fokusuara në arritjen sa më të madhe të përsosmërisë teknike e, paralelisht me këtë si parakusht, edhe në rritjen cilësore dhe sasiore të shikueshmërisë, duke synuar që në të ardhme të jemi transmetues me licencë edhe në hapësirën gjithëkombëtare.

Si një formë e mundësisë së arritjes së këtij synimi që përherë të jemi sa më afër bashkatdhetarëve tanë kudo që janë në botë dhe hapësirën gjithëshqiptare, në janar të vitit 2007 arritëm që, përmes integrimit në rrjetin global të internetit, t’i plasojmë emisionet tona televizive edhe në këtë forme virtuale tejet të popullarizuar të editimit.

Praktikisht, që nga fillimi i janarit të vitit 2007, emisionet e Televizionit OPINION mund të shikohen “LIVE”, 24 orë, edhe përmes rrjetit të internetit.

Që nga dita e parë e fillimit të editimit të programit tonë “LIVE” në internet, kjo formë e kontaktit me atdheun e tyre, shpejt u pranua nga shumë bashkatdhetarë tanë kudo në botë. Për një kohë shumë të shkurtër, numri i shikuesve që klikojnë në adresën tonë të interneti filloi të rritet në qindra dhe mijëra vizitorë në ditë. Ky interesimi i madh  i bashkatdhetarëve tanë për programet e Televizionit OPINION në internet ishte aq i madh, saqë me të madhe filloi edhe integrimi dhe kyçja e tyre me telefonata gati në të gjitha emisionet e drejtpërdrejta kontaktuese. Këto forma të inkuadrimit të shikuesve, që na përcillnin në internet, ishin nga shqiptarët që jetonin dhe punonin në të gjitha viset e botës: Amerikë, Australi, Kanada, shtetet e ndryshme të Evropës... etj.